അന്ന് ആടിനെ വിറ്റു, ഇന്ന് ചായക്കടയിലെ വരുമാനം; ദുരിതാശ്വാസത്തിന് കൈത്താങ്ങായി സുബൈദ

കൊല്ലം: വയനാട് മുണ്ടക്കൈ ഉരുള്പൊട്ടല് ദുരിതാശ്വാസത്തിന് കൈത്താങ്ങായി പള്ളിത്തോട്ടം സ്വദേശിനി സുബൈദ സംഭാവന നൽകിയത് ചായക്കടയിലെ വരുമാനം. മുഖ്യമന്ത്രിയുടെ ദുരിതാശ്വാസ നിധിയിലേക്ക് 10,000 രൂപയാണ് സുബൈദ ഇത്തവണ നല്കിയത്. കലക്ട്രേറ്റിലെത്തി ജില്ലാ കളക്ടര്ക്ക് നേരിട്ട് തുക കൈമാറുകയായിരുന്നു.

സുജിത്ത് വിജയന്പിള്ള എംഎല്എയുടെ സാന്നിധ്യത്തിലായിരുന്നു തുക കൈമാറിയത്. പള്ളിത്തോട്ടം പൊലീസ് സ്റ്റേഷന് സമീപം ചായക്കട നടത്തിയാണ് സുബൈദ ഉപജീവനമാര്ഗം കണ്ടെത്തുന്നത്. വെള്ളപ്പൊക്കസമയത്ത് ആടുകളെ വിറ്റ പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്കിയിരുന്നു. കൊല്ലം കളക്ടര് ഇക്കാര്യം ഫേസ്ബുക്കിലൂടെ അറിയിച്ചു.

ഇതു കൂടാതെ പനയംഗ്രാമപഞ്ചായത്തിലെ ഹരിത പനയം ഗ്രാമപഞ്ചായത്തിലെ ഹരിത കര്മ്മസേന 17,000 രൂപയും ശാന്ത രാജപ്പന് 1000 രൂപയും മുഖ്യമന്ത്രിയുടെ ദുരിതാശ്വാസ നിധിയിലേയ്ക്കായി കലക്ടര്ക്ക് കൈമാറി.

'ചെറിയകുട്ടികൾക്ക് മുലപ്പാൽ ആവശ്യമുണ്ടെങ്കിൽ അറിയിക്കണേ, എൻ്റെ ഭാര്യ റെഡിയാണ്'; ഹൃദയംകവർന്ന കുറിപ്പ്